Дүшәмбе көнне юл хезмәткәрләре район үзәгендә юлларда пәйда булган чокырларны ремонтлауга керештеләр.
Эшләр Совет урамының үзәк урамыннан башланды. Көн дәвамында юлчылар асфальтның бозылган катламын салдырдылар, чокырларны чистарттылар, ә төштән соң кул белән асфальт-бетон катнашмасын җәюгә керештеләр, аны тигезләп һәм тыгызлап бардылар. Совет урамында чокырларны тигезләп ремонтлау эшләре эш көне азагына төгәлләнде.
Шәһәр тибындагы Аксубай бистәсе башлыгы урынбасары Владимир Кононов сөйләвенчә, чокырларны ямау эшләре Аксубай бистәсе башкарма комитеты бюджеты хисабына башкарыла, быел финанслау күләме 600 мең сум тәшкил итә. Быелгысы сезонда юл эшләре кысаларында Аксубай бистәсенең Мазилин, Җәлил, Мичурин урамнарында чокырларны ямау эшләре башкарылачак.
Нет комментариев