Иске Тимошкино авыл мәдәният йорты базасында эшләп килгән туган як тарихын өйрәнү музееннан кеше өзелми.
Унбиш ел элек ирле-хатынлы Полина һәм Станислав Мулеевлар нигез салган музей, магнит кебек, үзенә тартып тора.
Музейның бай экспонатларында, фокустагы кебек, дәүләтебез тормышының төрле чорлары турында сөйләүче авыл тормышы чагылдырылган. Алар ата-бабаларыбызның тормыш-көнкүрешен, кызыклы вакыйгаларны күреп, аңлау мөмкинлеге бирә. Музей экспонатларын, бигрәк тә көнкүреш әйберләрен балалар кызыксынып карый.
Бу юлы музейда Алексеевка поселогыннан укучылар булып китте.
1 сентябрьгә кадәр вакыт бар әле, авыл мәдәният йорты хезмәткәрләре уку елы башланганчыга кадәрге вакытны файдалы мәгълүмат белән тулыландырырга һәм балаларны музейга экскурсиягә чакырырга карар иткәннәр.
Һәм ялгышмаганнар: балалар, кызыксынып карап һәм хис-кичерешләре белән бер-берсе белән бүлешеп, һәр экспонат янында озак тоткарландылар.
Нет комментариев