Түбән Камада «Аталан» еллык милли-мәгариф форумы узды

Укучыларның милли белем бирү форумы чуашларның этномәдәни үзенчәлеген саклап калуга да ярдәм итә.

Форумда билгеләп үтелгәнчә, бүгенге көндә төбәктә 100 меңнән артык чуаш яши, республикада бу – өченче милләт.

Республикада бердәнбер чуаш гимназиясе базасында узган форумда 300дән артык укучы катнашты.

Аксубай районын 24 укучы һәм 7 туган тел һәм әдәбият укытучысы тәкъдим итте.

Чыгыш ясаучы кунаклар форумда чуаш мәдәниятен үстерү һәм саклау буенча тәҗрибә уртаклаштылар, аралаштылар, элемтәләр урнаштырдылар. Татарстан чуаш милли мәдәни автономиясе рәисе урынбасары Константин Малышев та чыгыш ясады.

– Сез – бай һәм борынгы телне белүчеләр. Киләчәктә сез боларның барысын да балаларыгызга, әти-әниләрегез һәм укытучыларыгыз тапшырганча тапшырырга тиешсез, – дип мөрәҗәгать итте форумның яшь катнашучыларына «Татарстан Республикасында ЧНК» төбәк иҗтимагый оешмасы рәисенең беренче урынбасары Константин Малышев.

–Форум ике юнәлештә эшләячәк: укучылар һәм укытучылар өчен, һәрберсенең үз программасы. Балалар этнографик уеннар, квестлар үтәчәк. Ә укытучылар спикерлар һәм лекторлар белән эшләячәк, – дип чараны ачты «Аталан» милли-мәгариф форумы» проекты авторы Артём Носков.

Безнең район вәкилләре форумның актив катнашучылары булдылар. Педагоглар да шулай ук осталык дәресләренә актив кушылдылар.

Фото: мәгариф бүлеге архивыннан.