ТР Иҗтимагый палатасында сукбай этләрне контрольдә тотуны көчәйтергә чакырдылар

Аның сүзләренә караганда, узган ел республикада гына да кешеләргә 3,5 меңнән артык йортсыз хайван һөҗүме теркәлгән.

Исегезгә төшерәбез, 18 декабрьдә хастаханәдә этләр һөҗүменнән соң тугыз яшьлек Варвара Блохина вафат булды.

«Хайваннарга мәхәббәтнең кеше гомереннән дә кыйммәтрәк була алмавын аңлау өчен тагын нинди фаҗигаләр булырга тиеш?» – дип сорады Тимирясова «Татар-информ»га биргән әңгәмәсендә. Ул проблема күптән закон чыгару карарын таләп итә һәм җәмгыять инде үзгәрешләргә әзер, дип өстәде.

Иҗтимагый палата әгъзасы аңлатканча, хәзерге шартларда кешеләрне, бигрәк тә балаларны, кыргый этләрдән яклау беренчел бурыч булып тора. Аның фикеренчә, агрессия үсешенең бер сәбәбе – өерләр барлыкка килү, анда хайваннар бер-берсен котырта. Татарстан Закон чыгаручылары экспертлар белән берлектә тиешле инициативалар әзерли инде, дип белдерде Тимирясова.

Хайваннарны яклаучылар ни генә әйтмәсен, әмма хокукый нормалар барыбер катгыйландыруны таләп итә. Мин аңлыйм, хайваннарны саклауның иң яхшы юлы – ул хуҗасыз этләрне тәрбиягә алу, әмма хәзерге шартларда кешеләрне кыргый этләрдән сакларга туры килә», – дип билгеләп үтте ул.