Татарстанның балалар табибы: Вакцинацияләү кагыйдәләре үтәлергә тиеш

Балаларга коронавируска каршы вакцинация үткәрү кирәк, әмма ул гадәти кагыйдәләр нигезендә үткәрелергә тиеш.

Бу фикерне Татарстанның атказанган табибы Динара Садыйкова «Галстуксыз әңгәмә» программасында әйтте.

«Минем мөнәсәбәтем — табибларныкыча. Мин вакцинация яклы. Әмма вакцинацияләү кагыйдәләре үтәлергә тиеш. Вакцина ясарга ярамаган балалар да бар», — дип билгеләп үтте табиб, «Татарстан 24» телеканалы җитәкчесе Андрей Кузьминның соравына җавап биреп.

«Прививка билгеле бер шартларда — тулы сәламәтлек фонында, билгеле бер вакыт аралыгында үткәрелергә тиеш», — дип аңлатты Казан дәүләт медицина университетының госпиталь педиатриясе кафедрасы мөдире, Идел буе федераль округының һәм Татарстан Республикасының штаттан тыш баш балалар кардиологы Динара Садыйкова.

Чыганак: tatar-inform.tatar