Татарстанда коронавирустан тагын ике үлем очрагы теркәлгән
Пандемия башланганнан бирле республиканың 166 кешесе яңа инфекция корбаны булды.
Татарстанда коронавирус йоктырган тагын ике кеше үлгән. Бу хакта ТР Сәламәтлек саклау министрлыгының матбугат хезмәте хәбәр итә.
«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диелә ведомство хәбәрендә.
1948 елда туган хатын-кыз һәм 1963 елда туган ир-ат инфекция корбаны була. Шулай итеп, Covid-19 инфекциясеннән үлем очраклары 166га җиткән.
Чыганак: tatar-inform.tatar
Следите за самым важным и интересным в Telegram-каналеТатмедиа
Нет комментариев