Россия Пенсионерлар союзының Аксубай җирле бүлекчәсе командасы шахмат һәм шашка буенча II Республика турнирының икенче этабында икенче призлы урынны яулады.
Базарлы Матакта Өченче буын вәкилләре арасында Республика шахмат һәм шашка турнирының зона этабы узды. Безнең районны пенсионерлар Берлегенең иң яхшы шахматчылары һәм шашкачылары тәкъдим итте. Ир-атлар арасында шахмат баталияләрен уңышлы комбинацияләр һәм отышсыз уеннар белән Габделәхәт Салихов үткәрде һәм турнир җиңүчесе булды. Раиса Мишанинаның нәтиҗәсе – хатын-кызлар арасында шәхси исәптә III урын. Ир-атлар арасында шашка ярышында Вилдан Хәмитов өченче призер булды. Шулай ук шашка буенча Валентина Ерхонинага дүртенче урын билгеләнде. Команда зачетында Аксубай районы командасы, нурлатлылардан (1 урын) бик азга гына калышып һәм мәйдан хуҗалары – әлкилеләрне узып (3 урын), турнир таблицасында II урынны яулады.
– Турнирга команда туплап, без турнирда призлы урынга исәп тоттык, – дип уртаклашты район клиентлар хезмәте (ПФР) җитәкчесе Владимир Тимофеев. – Һәм безнең уенчылар сынатмадылар, район данын лаеклы якладылар.
Нет комментариев