Сергеевка ФАП-китапханә-клуб комплексы ремонт таләп итә

Аксубай районы башкарма комитеты җитәкчесе вазыйфаларын башкаручы Алмаз Мингуловның Яңа Үзи авыл җирлеге белән танышуы үзәк биләмәдән башланды. Яңа Үзи мәктәбендә узган елда түбәне ремонтлаганнар, ике ел элек авыл мәдәният йортында җылылык челтәрен һәм тәрәзәләрне алмаштырганнар. Авылда яңа ФАП төзелгән һәм эшли.

Алмаз Мингулов авылның барлык социаль объектларында булды, шулай ук фельдшер-акушерлык пунктында, клубта, библиотекада, Беловка мәктәбендә булды, укытучылар, медицина, мәдәният хезмәткәрләре белән аралашты.

Федоровка, Алексеевка һәм Сергиевка поселокларында булды, районнан ерак урнашкан поселокларда яхшы йортлар төзелүен, үзара салым программасы кысаларында кече ватаннары язмышына битараф булмаган гражданнар һәм якташлар ярдәме белән юллар салынуын билгеләп үтте.

Җирлектә кискен проблемалар арасында – Беловка мәдәният учагында тәрәзәләрне алмаштыру, Сергиевка фельдшерлык пункты – китапханә – авыл мәдәният йорты комплексына капиталь ремонт таләп ителә. Комплекс узган гасырның 95 нче елларында төзелгән булган һәм бер тапкыр да ремонтланмаган.

– Жирлек буенча килеп туган агымдагы мәсьәләләрне эш тәртибендә хәл итәргә кирәк, ә ремонт таләп ителгән объектларны алдагы еллар программаларына кертергә тырышачакбыз, – дип йомгаклады сүзен Алмаз Мингулов.