Сәбәбе – дөрес кулланмауда

2018 елның агымдагы чорында Аксубай районы территориясендә 26 янгын чыгу очрагы теркәлгән, бу узган елның шул ук чоры белән чагыштырганда 3 кә кимрәк.
Янгын нәтиҗәсендә 3 кешенең гомере өзелгән, аларның барысы да  исерек хәлдә булган, янгынга китергән сәбәп – тәмәке белән саксыз эш итү.

Барлык 26 янгын очрагы да торак сектор биналарында һәм корылмаларында чыккан. Шәһәр тибындагы Аксубай бистәсендә – 5, авыл җирлегендә 21 янгын теркәлгән, 11 корылма көлгә әйләнгән, 17 сенә зыян килгән.

Янгынга китергән төп сәбәпләр: электр җиһазлары  һәм  көнкүреш электр приборлары төзелеше һәм аларны куллану кагыйдәләрен бозу; мичләр төзелеше һәм алардан  файдалану кагыйдәләрен бозу; ут белән саксыз эш итү.