Савгач авылында сугышчы-ветераннар штабы ачылды
Савгачта тантаналы шартларда төрле гаскәрләр ветераннары штабы ачылды.
Җирле ветераннар хәрәкәте активистлары штаб өчен бер ел элек фельдшерлык пунктының иске бинасын куллану турында уйланганнар. Бу объект иҗтимагый оешма базасы булып хезмәт итәргә тиеш – ул яшьләр белән очрашулар, чаралар үткәрү өчен кирәк булачак. Ташландык бинада ремонт эшләре алып барылды – ветераннар үз хисапларына бинаны тәртипкә китерделәр, ремонтладылар, тиешле стильдә бизәделәр. Монда чик буе гаскәрләре, ГСВГ, кайнар нокталарда хезмәт иткән сугышчылар, РВСН кабинетлары, коридор, хәрби дан музее бүлмәсе бар.
Аксубай православие гыйбадәтханәсе башлыгы протоиерей Александр Качаев ачылу алдыннан штаб биналарын изгеләндерде.
Тантанага төрле гаскәрләр ветераннары, авыл халкы, мобилизацияләнгән сугышчының әти-әнисе, районнан килгән кунаклар – «Ватанга хезмәт итәм» ветераннар хәрәкәте вәкилләре җыелды. Бәйрәмдә катнашучыларга сәламләү сүзе белән Урмандеево авыл җирлеге башлыгы Валерий Николаев мөрәҗәгать итте.
– Бу бинаны ремонтларга кешеләр үз теләкләре белән килделәр, – дип билгеләп үтте ул. – Элекке сугышчылар энтузиазм белән, барысын да уйлап, исәпләп эшләделәр. Бу штаб яшьләр белән патриотик эш үзәге булырга тиеш. Безнең авылның егермедән артык кешесе махсус хәрби операция зонасында. Алар безнең геройларыбыз, безнең горурлыгыбыз. Без аларның кайтуын түземсезлек белән көтәбез.
Җыелучыларны «Ватанга хезмәт итәм» район ветераннар хәрәкәте вәкиле Алексей Бобов сәламләде. Чик буе гаскәрләре ветераннары исеменнән ул чик баганасы символын Александр атакай, Сергей Падиряковка тапшырды.
Протоиерей Александр Качаев барысын да изге апостоллар Петр һәм Павел көне белән котлады.
– Чиркәү үзенең рухи яклаучыларының истәлеген бәйрәм иткәндә, без бүген зур вакыйгага җыелдык. Бу бик мөһим – патриотик, рухи, әхлакый тәрбия. Егетләр бирегә армия турында белем алсын, аңа әзерләнсен, Ватанны яратырга өйрәнсен өчен килсеннәр. Аллаһы Тәгалә сезне киләчәктә дә ярдәменнән ташламасын.
Юрий Степанов әлеге штабны булдыруда ярдәм иткән һәркемгә рәхмәт белдерде. Анатолий Охотников яшьләрне патриотик тәрбияләү буенча ветеран активының үз бурычын ничек үтәве турында сөйләде. Ул РВСН ветераннар советы исеменнән Мактау грамотасын Константин Семеновка тапшырды.
Ачылу тантанасында бик күп рәхмәт сүзләре, теләкләр яңгырады. Һәм менә, символик кызыл тасма киселде – ветераннар штабы эше башланды.
Следите за самым важным и интересным в Telegram-каналеТатмедиа
Нет комментариев