Россия мәктәп укучылары хәрәкәте мәктәп формасы дизайнына конкурс игълан итә

Россия мәктәп укучыларының хәрәкәте башлангыч сыйныф укучылары, «Россия бөркетләре» программасында катнашучылар өчен формалар коллекциясе эскизларын эшләүгә Бөтенроссия конкурсын башлап җибәрде.

Конкурс өч номинация буенча уздырыла - «Малайлар өчен мәктәп формасы капсуласы», «Кызлар өчен мәктәп формасы капсуласы» һәм «Россия бөркетләре» программасы өчен фирма стиле элементлары булган «Атрибутика».

8 яшьтән 18 яшькә кадәрге мәктәп укучылары, шулай ук тәрбия өлкәсендә ата-аналар һәм белгечләр катнаша ала. Гаризалар кабул итү 11 июльдә оешма сайтында старт алды һәм 31 июльгә кадәр дәвам итәчәк, дип яза республика Мәгариф министрлыгы.

Катнашучыларга сайлап алынган номинация нигезендә форма коллекциясе эскизын булдырырга, файлны теләсә нинди болытлы саклагычка йөкләргә һәм аңа конкурс битендә шәхси кабинетта сылтама бирергә кирәк. Конкурсантлар биремне үтәгәндә мода индустриясе өлкәсеннән йолдызлы эксперт тәкъдимнәренә таяна алачак.

Конкурста җиңүчеләр коллекцияне үз эскизлары буенча тегү һәм 2022 елның көзендә махсус йомгаклау чарасында катнашу мөмкинлегенә ия булачак. 2нче һәм 3нче урыннарны алган балалар Россия мәктәп укучылары хәрәкәтенең кышкы фестиваленә путевкалар ала, махсус призлар ота һәм мода индустриясе эксперты белән онлайн-очрашуда катнаша ала.

Чыганак: tatar-inform.tatar