Роспотребнадзор белгечләре ветераннар белән күчмә очрашулар оештыра
Консультацияләрдә белгечләр кулланучылар хокукларын яклау белән бәйле сорауларга җавап бирәчәк.
Роспотребнадзорның Татарстан белгечләре Бөек Ватан сугышы ветераннары өчен кулланучылар хокукларын яклау мәсьәләләре буенча консультацияләр оештыра. Бу хакта федераль хезмәтнең республика идарәсе сайтында әйтелә.
Консультацияләр Бөек Ватан сугышында Җиңүнең 75 еллыгын бәйрәм итүгә әзерлек кысаларында уздырыла.
Консультация вакытын һәм урынын билгеләү өчен идарәнең кулланучылар хокукларын яклау бүлегенә (843)238-35-09, 8(917)224-87-94 телефоннары буенча мөрәҗәгать итәргә кирәк. Шалтыратулар эш көннәрендә 10.00-16.00 сәгатьләрдә кабул ителә (12.00-12.45 сәгатьтә төшке аш). Шулай ук түбәндәге адрес буенча мөрәҗәгать итәргә була: Казан, Зур Кызыл ур., 30 йорт (13 бүлмә).
Чыганак: tatar-inform.tatar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев