Аксубай районында тавыш бирү өчен билгеләнгән мобиль пунктларның берсендә, коронавирус инфекциясен кисәтү буенча таләпләрнең ничек үтәлүенә инану өчен, Роспотребнадзорның территориаль бүлеге баш белгеч-эксперты Андрей Тимирясов булды.
Керү юлында аның температурасын үлчәделәр, кулларын йогышсызландырып, битлек һәм ручка бирделәр. Сайлау участогы әгъзалары табиблар кебек саклагыч костюмнардан – бу илдә пандемия буенча килеп туган вәзгыятькә бәйле куркынычсызлык таләпләре.
- Районда 47 сайлау участогы эшли, һәр сайлаучыга шәхси саклану чаралары белән пакет бирелә, әгәр кешенең температурасы бар икән – ул сайлау участогына узмый, аңа тавыш бирү өчен аерым бүлмә тәкъдим ителә, – дип шәрехләде Андрей Тимирясов. – Күрәм мобиль пунктлар таләпләр нигезендә эшли, аралашу вакытында элемтә минимальләштерелгән, паспортлар ерак арадан гына күрсәтелә, битлек режимы саклана, имзаны һәрберсе аерым ручка белән куя.
Ул да мобиль пунктта тавыш бирде.
– Халыкның мул тормышта яшәве, Аксубай районы, Татарстан Республикасы иминлеге өчен тавыш бирәм, – диде Андрей Тимирясов.
Нет комментариев