1 апрельдән Россиядә шулай ук хәрби хезмәткә язгы чакырылыш башланды.
Владимир Путин запаста булган россиялеләрне хәрби җыеннарга чакыру турында указга имза куйды.
Документны хокукый мәгълүматның рәсми интернет-порталында урнаштырдылар. Ул басылып чыккан көненнән үз көченә керә. Бу турыда РИА Новости хәбәр итә.
Указ нигезендә, хөкүмәт һәм төбәк хакимиятләре җыеннар үткәрүгә бәйле чараларны үтәүне тәэмин итәргә тиеш.
1 апрельдән Россиядә шулай ук хәрби хезмәткә язгы чакырылыш башланды. Гаскәргә 134 мең кеше җыярга планлаштыралар.
Чыганак: tatar-inform.tatar
Нет комментариев