Путин Федераль Җыенга юлламасын 21 февральдә игълан итәчәк

21 февральдә Россия Президенты Владимир Путин Федераль Җыенга юллама белән чыгыш ясаячак. Бу хакта ТАСС агентлыгы дәүләт башлыгының матбугат сәркатибе Дмитрий Песковка сылтама белән хәбәр итә.

«21 февральдә Россия Президенты Федераль Җыенга мөрәҗәгать итәчәк. Ул «Гостиный двор»да була», - дип сөйләде Кремль вәкиле.

Аның сүзләренчә, дәүләт башлыгы агымдагы вазгыятькә игътибар бирергә җыена. Кремль әлегә чарага чит ил журналистларын аккредитацияләү турында карар кабул итмәде, дип аңлатты Песков.

Чыганак: tatar-inform.tatar