Прокуратура суд боерыгының нәрсә икәнен аңлата

Белгечләргә мөрәҗәгать итик.

Суд боерыгының нәрсә икәнен Аксубай районы прокуроры урынбасары Лариса Горожанкина аңлата:

– Гражданлык эшендә суд боерыгы – бу җәмәгать судьясының 500 мең сумнан артык булмаган бурыч түләтү турындагы карары. Таләпләр язма дәлилләр белән расланырга тиеш. Суд приказы судья тарафыннан гариза кергәннән соң биш эш көне эчендә чыгарыла. Суд тикшерүе үткәрелми, яклар, өченче затлар һәм шаһитләр чакырылмый. Суд боерыгы – башкарма документ. Боерык бирелгәнче, судья аның күчермәсен бурычлы кешегә җибәрергә тиеш. Әгәр бурычлы кеше бурыч яки аның зурлыгы белән килешмәсә, ул судка мөрәҗәгать итә ала. Моның өчен бурычлы кешенең документ алган көннән алып 10 көн эчендә каршылык белдереп судка тәкъдим белән мөрәҗәгать итүе дә җитә.
Мондый гаризаны бирү срогы узган очракта, җитди сәбәп күрсәтеп, аны кире торгызу турында гариза язарга кирәк.