Очучылар һәм шахтерлар өчен пенсиягә өстәмә түләүләр билгеләү кагыйдәләре төгәлләштерелде
Путин очучылар һәм шахтерлар өчен пенсиягә өстәмә түләүләр билгеләүне аныклаучы законны имзалады, дип хәбәр итә РИА Новости.
РФ Президенты Владимир Путин күмер тармагы хезмәткәрләре һәм гражданнар авиациясенең очу экипажлары әгъзалары өчен пенсиягә өстәмә билгеләү процедурасын аныклаучы законга кул куйды, документ хокукый мәгълүмат порталында урнаштырылган.
Моннан тыш, закон нигезендә пенсия фонды территориаль органнарының гражданин турында белешмәләрне үз эченә алган документларны соратып алу буенча үзара хезмәттәшлеге турыдан-туры дәүләт һәм муниципаль архивлар белән гамәлгә ашырылачак.
Бу пенсияләрне вакытында һәм дөрес билгеләү өчен кирәкле мәгълүматларны бирү вакытын шактый киметергә мөмкинлек бирәчәк. Шулай ук әлеге очракта гражданнарның архив оешмаларына мөрәҗәгатьләре санын һәм Россия Пенсия фонды органнарына шәхсән гражданнар тарафыннан бирелгән архив документларын тикшерү санын киметергә мөмкинлек бирәчәк.
Следите за самым важным и интересным в Telegram-каналеТатмедиа
Нет комментариев