Утырыш эшен район башлыгы Алмаз Мингулов алып барды.
Көн тәртибенә террорчылык куркынычларын кисәтү, мәгариф учреждениеләренең террорчылыкка каршы якланганлыгын арттыру буенча өстәмә чаралар, хезмәткәрләр, укучылар һәм ата-аналар арасында профилактика эшен оештыру, шулай ук Интернет челтәрен мониторинглау мәсьәләләре кертелде.
24 гыйнварда Түбән Кама мәктәбендә булган инцидент (унөч яшьлек яшүсмер уку йортына пычак алып кереп, техник хезмәткәрне яралаган) белән бәйле рәвештә Татарстан Республикасы Террорчылыкка каршы комиссиясенең чираттан тыш утырышы үткәрелде. Шулай ук аның артыннан Уфада һәм Краснодар краенда Россия мәктәпләрендә ике резонанслы вакыйга булды, анда укучыларның агрессив гамәлләреннән укытучылар да, укучылар да зыян күрә язды. Утырышта тикшерү эшләре, тикшерү чаралары алып барыла, детальләр, шул исәптән укытучы белән конфликт ачыклана, дип билгеләп үттеләр.
Район мәктәпләрендә хокукка каршы гамәлләрнең килеп чыгуын булдырмау максатыннан, комиссия утырышында мәгариф объектларында террористик янауларны, шул исәптән утлы корал кулланып кораллы һөҗүмнәрне кисәтү буенча өстәмә чараларны тормышка ашыру мәсьәләсе тикшерелде.
Мәгариф оешмаларының террорчылыкка каршы яклануы, керү режимының ничек оештырылуы, яңа уку елы башыннан террорчылыкны һәм экстремизмны профилактикалау буенча җитәкчеләр, хезмәткәрләр, укучылар, ата-аналар белән башкарылган профилактик эшләр, террорчылык янаган очракта гамәлләр алгоритмы буенча күнегүләр үткәрү, шул исәптән беркетмә йөкләмәләре бирелгән республика утырышы беркетмәсен үтәү турында, дип сөйләде мәгариф бүлеге җитәкчесе Рәмзия Зәйдуллина. Ул шулай ук балаларның деструктив төркемнәрдә, шул исәптән мәктәп эчендә исәптә торучыларның да катнашуын ачыклау буенча Интернет челтәрен мониторинглау буенча сыйныф җитәкчеләренең башкарылган эшенә тукталды.
«Форпост» үзәге җитәкчесе Динә Ибляминова яшьләрнең деструктив бергәлекләрдә булуын ачыклау буенча Интернет челтәрендә үткәрелгән шәхси мониторинг нәтиҗәләре белән таныштырды.
Киңәшмәдә катнашучылар мәктәп һәм балалар бакчалары укучыларын һәм персоналын максималь яклауны тәэмин итүгә юнәлдерелгән чаралар комплексы турында җентекләп фикер алыштылар, хезмәткәрләргә гадәттән тыш хәл килеп чыкканда эш итү алгоритмын, шул исәптән кораллы һөҗүмне дә искә төшерү кирәклеге турында сөйләделәр.
– Керү режимын гамәлгә ашыру мәсьәләсе һәрвакыт контрольдә булырга тиеш, – диде район прокуроры Динар Низамов. – Укучылар һәм ата-аналар белән даими рәвештә профилактик әңгәмәләр үткәрергә кирәк.
Утырышта билгеләп үтелгәнчә, яшүсмерләр арасында куркыныч күренешне кисәтүдә “Яшь армия” кебек патриотик юнәлештәге иҗтимагый формированиеләр, кызыксынулар буенча секцияләр һәм түгәрәкләр үз ролен уйнарга тиеш, аларның тәрбияви эшчәнлеге югары дәрәҗәдә булырга тиеш.
Комиссия укытучылар составы, техник персонал белән өстәмә инструктажлар үткәрү, белем бирү учреждениеләрендә укучылар белән сыйныф сәгатьләре оештыру турында карар кабул итте. Аларда шулай ук мәктәп укучыларына террористик берләшмәләрдә катнашу, шул исәптән белем бирү оешмаларына кораллы һөҗүм итүне пропагандалау өчен җаваплылыкны аңлату зарур.
Нет комментариев