Мәктәп яны лагеренда ял итүчеләр полиция бүлегенә экскурсия белән бардылар

Очрашу «Имин җәй» чаралары циклы кысаларында узды.

Полиция бинасына керү юлында балаларны ПДН инспекторы Фоат Абдуллин каршы алды.

Инспектор кунакларны бүлек структурасы һәм эшчәнлеге белән таныштыруны дежур частьтән башлады. Дежурныйларның эш үзенчәлеген кыскача тасвирлап, ул балаларны ЭЭМ ветераннары кабинетына алып керде, анда аларны ветераннар советы рәисе Шамил Сәхәбетдинов каршы алды.

Кабинет хуҗасы балаларны милиция ветераннары төрле спорт төрләрендә һәм җәмәгать эшләрендә ирешкән уңышлар өчен алган бүләкләр экспозициясе белән таныштырды.

Аннары, актлар залында, ветераннар җитәкчесе балаларга вафат булганнан соң да һөнәргә намуслы хезмәт итү үрнәге булып торган милиция җитәкчеләре Борис Гусев һәм Николай Прончатов турында сөйләде. Балаларның милиция ветеранына сораулары да табылды.

Берүк вакытта полиция бүлегенең музее да булып торган актлар залында укучыларга тәртип сакчыларының төрле еллардагы формаларын, мундирларын күрсәттеләр. Балалар, кайчандыр совет власте елларында милиционерларга аның яктысында эшләргә туры килгән керосин лампасын гаҗәпсенеп карадылар. Эчке эшләр хезмәткәрләренең спорт казанышлары өчен алган күпсанлы кубокларын да алар шундый ук кызыксыну һәм гаҗәпләнү белән карадылар. Алар бөтен җирдә – пыяла астындагы витриналарда, шкафларда урнаштырылган.

Фоат Абдуллин кунакларны шулай ук бүлек бүлмәләре буйлап йөртте.

Инспектор балаларга көндәлек тормышта куркынычсызлыкны тәэмин итә торган элементар нормалар һәм кагыйдәләрне үтәү кирәклеге турында искә төшерде.

– Беренчедән, сезгә, укучылар буларак, мәктәп Уставын үтәргә кирәк, – дип мөрәҗәгать итте ул балаларга. – Моннан сезнең тормышыгызда үздисциплина башлана, димәк, башыгызда һәм теләсә нинди эшегездә тәртип булачак. Димәк, сез үзегез һәм якыннарыгызның иминлеге турында борчылачаксыз. Һәркайда: көнкүрештә, урамда, юлда, табигатьтә – урманда һәм елгада.

Экскурсия полиция ишегалдында хезмәт этләре белән танышу белән тәмамланды.