Хезмәтенә карата бүләге

– Шикәр чөгендере уңышының быелгы кебек беркайчан да уңганы юк иде әле – 121 мең тонна татлы тамыр иктек, соңгы елларда 86 мең гектар мәйданда көнбагыш үстерәбез, ул тулысынча җыеп алынган һәм озатылды – көнбагыштан гына акчалата керем 1 миллиард 500 миллион сум тәшкил итте, – дип билгеләп үтте район башлыгы Камил Гилманов. – Киләсе елда без 58,62 мең гектар мәйданда чэчү эшләрен башкарырга планлаштырабыз, шуның 20 мең гектардан артыгын – сабан культуралары, 27 мең гектардан күбрәген – азык культуралары, 10 мең гектарын техник культуралар биләячәк. Уҗымнарны тукландыру һәм тәрбияләү эшләре башкарылачак, – дип билгеләп үтте ул.

Ул чәчү һәм урып-җыю кампаниясен уңышлы башкарган өчен кыр хезмәтчәннәренә рәхмәт белдерде, иң яхшы комбайнчыларның ел саен республика дәрәҗәсендә хөрмәтләнүенә басым ясады.

Быел Аксубай районыннан 9 комбайнчы Татарстанның иң яхшы 500 комбайнчысы арасына керде. Пленар утырышта район башлыгы һәм министр урынбасары «Аксу Агро»ның сигез комбайнчысына – «Нью Холланд» комбайнында 3060 тонна ашлык суктырган Җәүдәт Сафиуллинга, Анатолий Ильгузинга («Нью Холланд», 2583 тонна), Хөсәен Галиевка («Нью Холланд», 2495 тонна), Сергей Блиновка («КЗС-1218-29», 2567 тонна), Валерий Ендерюковка («КЗС-1218-29», 2255 тонна), Алексей Кудряшовка («КЗС-1218-29», 2251 тонна), Анатолий Ефремовка («КЗС-1218-29», 2163 тонна), Алексей Пайдаркинга («Акрос-530», 1772 тонна) һәм «Волга Селект» комбайнчысы Евгений Масловка («Акрос-530», 1703 тонна) Мактау грамоталары һәм акчалата сертификатлар тапшырдылар .