Хач ману бәйрәмендә бәкегә чумарга теләүчеләр өчен

18 гыйнварда сәгать 12:00 дә – Иске Мокшинода, 18:00 сәгатьтә – Тарханкада, 20:00 сәгатьтә – Кисада, 23:00 сәгатьтә – Сөнчәледә, 23:30 сәгатьтә Иске Үзидә сулыклар аруландырылачак.

19 гыйнварда 12:00 сәгатьтә «Таш чокыр» (Аксубай), Иске Савруш, Иске Тимошкино сулыклары; 13:00 сәгатьтә – Черемушка, Савгач су чыганаклары; 14:00 сәгатьтә Урмандеевода су изгеләндереләчәк. Хач ману бәйрәмендә бәкегә чумарга теләүчеләргә сулыкларда коенуның куркынычсызлык нормаларына туры килергә тиешлеген истә тотарга кирәк.

Гадәттән тыш хәлләр вәкилләре правослау динен тотучыларга бары тик кешеләр булган махсус җиһазландырылган буаларда гына суга чумарга киңәш итә. Бозлы суда бер минуттан артык торырга ярамый. Правослау динендәге хатын-кызларга чуму йоласын бары тик эчке күлмәктән һәм яулыктан башкарырга кирәк.