Казанлылар өчен бушлай юристлар консультациясе оештырыла

Профильле ведомстволар экспертлары торак-коммуналь хуҗалык тарифларын ничек аңларга, милекне ничек бүлергә кирәклеге, хезмәт, пенсия хокуклары, шулай ук мәгариф һәм сәламәтлек саклау өлкәләрендәге хокуклар турында сөйләячәк. Бу хакта Казан мэриясе матбугат хезмәте хәбәр итә.

Хокукый ярдәм көне 26 апрельдә 15:00 сәгатьтә узачак. Халыкны Айрат Хәйруллин урамы, 5 адресы буенча урнашкан «Җәлил» яшьләр-яшүсмерләр үзәгендә кабул итәчәкләр. Алдан +7(843)279-25-99, +7(843)279-25-02 телефоннары буенча язылырга кирәк, дип хәбәр итә ТР Хезмәт, халыкны эш белән тәэмин итү һәм социаль яклау министрлыгы.

Консультация Татарстанда Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының ТР буенча төбәк бүлеге ярдәме белән оештырыла.

Чыганак