Казан янында автоинспекторны машинаның алгы өлешендә алып барган йөртүчене тоткарлаганнар

Машина белән автомобиль йөртү таныклыгыннан мәхрүм ителгән кешенең идарә итүе ачыкланган.

Инспектор машина йөртүчедән документлар күрсәтүен сорагач, йөртүче урыныннан кузгалган һәм полиция хезмәткәрен машина капоты өстендә 7 метр алып барган. Хокук бозучыны тиз арада куып тоталар һәм полиция бүлегенә китерәләр. Россия Эчке эшләр министрлыгының Татарстан Республикасы буенча матбугат хезмәтендә шул турыда белдерделәр.

Ир-ат элегрәк тә «Хакимият вәкиленә карата көч куллану» һәм «Юл хәрәкәте һәм транспорт чараларын эксплуатацияләү кагыйдәләрен бозу» маддәләре буенча хөкем ителгән булган.

Әлеге факт буенча полиция хезмәткәрләре тикшерү үткәрә, аның материаллары карар кабул итү өчен тикшерү органнарына тапшырылачак.

Чыганак: tatar-inform.tatar