Казан Изге Ана иконасы бәйрәмен билгеләп үттеләр
Казан Изге Ана иконасын искә алу көнендә Аксубай районында хач белән гыйбадәтләр узды.
Районда православие бәйрәме иртән иртүк Рус Кармәтендәге Казан Изге Ана чиркәвеннән ясалган тантаналы литургия белән башланды. Монда тирә-як авыллардан һәм Аксубайдан дин тотучылар җыелды. Гыйбадәтне Аксубай православие чиркәве рухание иерей Антоний Рыбочкин үткәрде. Литургия тәмамланганнан соң, чиркәү тирәли Хач йөреше булды.
Аксубай православие чиркәвендә бәйрәм гыйбадәте узды. Изге литургияне Иске Тимошкино гыйбадәт йорты дин әһеле Александр Пасичук җитәкләде. Рус Кармәте һәм Аксубай чиркәүләрендә дин әһелләре Казан һәм Татарстан митрополиты Кириллның Казан шәһәрендә Изге Ана иконасының пәйда булу көне уңаеннан бәйрәм котлавын укыдылар.
Гыйбадәт кылганнан соң, күпьеллык традиция буенча, дин тотучылар Таш чокыр чишмәсенә Хач йөреше ясадылар.
Йөреш догалар уку белән үрелеп барды. Чыганакта суга дога уку һәм изгеләндерелгән су белән Хач йөрешендә катнашучыларны җилпү йоласы үтте. Әйләнә-тирәдә шатлык, игелеклелек атмосферасы хөкем сөрде. Дин тотучылар изге су җыйдылар, аның белән юындылар, ә артык кыюлары, православие йолалары буенча суга чумдылар.
Следите за самым важным и интересным в Telegram-каналеТатмедиа
Нет комментариев