«Кар бабай-фест» пикнигы: парадтан баттлга кадәр

Район үзәгендә кышкы тантана – «Татарстан-Яңа гасыр» Аксубай территориаль бүлегенең Татарстан Республикасы Рәисе ярдәме белән уздырылган «Күрше фест» конкурсында җиңүе нәтиҗәсе.

Якындагы йортларда яшәүчеләр, ял итүче аксубайлылар кызыклы бәйрәмгә эләктеләр. Күңелле музыка бөтен тирә-якка таралды. Мәйданчыкка балалы гаиләләр, саф һавада йөрергә чыккан яшьләр, өлкәннәр килде. Күңел ачулар төрле программаны үз эченә алды. Кар бабайлар парады иң якты мизгелләрнең берсе булды. Катнашучылар бу тамашаны сокланып һәм шатланып карадылар.

«Кышкы микс» уеннары марафоны энергия һәм яхшы кәеф өстәде. Кар бөртеге уены да уңышлы чыкты – гади күңел ачу бик күп хис-кичерешләр бүләк итте.

«Кәшәкә-шоу» эстафетасында гаиләләр киез итекле хоккейда ярыштылар. Әлеге уен өлкәннәр өчен дә, балалар өчен дә динамик һәм күңелле килеп чыкты.

Бию баттлы бию сөючеләрне җыйды. Катнашучылар ритмик музыка астында рәхәтләнеп биеделәр, көннең салкынлыгы да сизелмәде. Биючеләр дә, тамашачылар да бик күп уңай тәэсирләр алдылар.

Районның үзешчән артистлары һәм кунаклары башкаруындагы җырлар яхшы кәеф тудырды.

Тантананың һәр кунагын коймак һәм кайнар чәй белән сыйладылар. Чәй, глинтвейн һәм тәмле камыр ризыклары салкында җылынырга ярдәм итте. Бәйрәмдә әкият персонажларының роле дә алыштыргысыз иде: Кыш бабай белән Кар кызы балалар белән аралаштылар, аларны тәм-томнар белән сыйладылар.

Фотогалерея.