Якындагы ялларда Татарстанга атмосфера фронты якыная.
Нәтиҗәдә июльнең соңгы көннәрендә республикада эссе, әмма яңгырлы була. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.
Синоптиклар сүзләренчә, әлегә төбәктә антициклон йогынтысында «климатик нормагы якын температуралы коры һәм җылы һава торышы» урнашты.
Шимбә һәм якшәмбе, 30-31 июльдә, кайбер районнарда көндез һәм кич кыска вакытлы яңгыр һәм яшен фаразлана. Һава температурасы элеккечә диярлек кала: төнлә +10..+16 градус көтелә, ә көндез - + 23..+29 градус.
Метеорологларның якынча мәгълүматлары буенча, киләсе атна башында, 1-2 августта, һава торышы сизелерлек үзгәрмәячәк. Көндез һәм кич урыны белән кыска вакытлы яңгыр булырга мөмкин. Көндез һава температурасы +24..+29 градус фаразлана.
Чыганак: tatar-inform.tatar
Нет комментариев