Юл хәрәкәте куркынычсызлыгы буенча агитбригадалар бәйгесе

Бәйгедә 9 команда катнашты. Аларның һәркайсы үзенчәлекле иде, әмма барысы да бәйгегә әзерләнүгә зур җаваплылык һәм иҗади якын килгәннәр. Бурыч гади түгел – билгеләнгән вакыт эчендә бирелгән теманы тулысынча ачарга кирәк иде.

Балалар Юл хәрәкәте кагыйдәләре темасын шигырьләрдә, җырларда һәм сәхнә күренешләрендә яктырттылар.

Нурлат шәһәрендәге Юл хәрәкәте иминлеге дәүләт инспекциясе идарәсе җитәкчесе Гөлфия Гыймалтдинова чыгышлары өчен бәйгедә катнашучыларга рәхмәт белдерде һәм балаларга юл хәрәкәте кагыйдәләрен үтәүнең мөһимлеге турында искәртеп, аларга юлларда игътибарлырак булырга теләде.

Бәйге нәтиҗәләре буенча 2 В сыйныфы командасы иң яхшысы дип танылды, икенче урынны 3 А һәм 3 Б сыйныфлары үзара бүлештеләр, 3 урында – 4 а сыйныфы. Командалар грамоталар, бүләкләр һәм яктылыкны кире кайтару элементлары белән бүләкләнделәр.

Фото: мәктәп архивыннан.