Гыйнварның беренче атнасында Аксубай полиция бүлегенә 32 хәбәр кергән.
МЮД авылында яшәүче 31 яшьлек хатын-кызны кыйнау факты буенча бер җинаять эше кузгатылган. Бер түбә астында яшәүче ире аның сәламәтлегенә уртача авырлыкта зыян салган.
Дүрт юл-транспорт һәлакәте теркәлгән, шул исәптән берсе – үлем белән тәмамланган, бер кеше – яраланган. Юл хәрәкәте кагыйдәләрен бозуның 57 очрагы ачыкланган, әмма кагыйдә бозучылар арасында исерек килеш руль артына утыручылар булмаган.
Аксубайда яшәүче 55 яшьлек хатын-кызның законсыз рәвештә спиртлы сыекча сату факты ачыкланган.
Нет комментариев