Гадәттән тыш хәлләр комиссиясендә язгы ташуга каршы хәл турында фикер алыштылар

Гадәттән тыш хәлләр комиссиясе утырышында районның КЧС һәм ОПБ рәисе, башкарма комитет җитәкчесе Станислав Зайцев гидротехник корылмаларда һәм елгаларда су дәрәҗәсен контрольдә тотуны көчәйтергә чакырды.

Шулай ук хезмәтләргә һәм ведомстволарга, җирлек башлыкларына ведомство карамагындагы территорияләрдә су үткәргеч торбаларын чистарту зарурлыгы һәм халык белән язгы ташуга бәйле хәл турында әңгәмәләр үткәрү турында искәртте. Мәгариф бүлегенә язгы каникуллар алдыннан укучыларның әти-әниләренә һәм укучыларга сулыклар янында үз-үзеңне тоту кагыйдәләре турында җиткерү бурычы йөкләнде – язгы бозда суга бату ихтималы зур.

Хезмәтләр һәм ведомстволар фаразлавынча, районда зур су басулар күздә тотылмый. Әмма һава торышының кискен җылынуы аркасында сулыклар янәшәсендәге аерым участокларны су басарга мөмкин.

Гражданнарга шуны истә тотарга кирәк: әгәр сез су басу зонасында калдыгыз икән, куркынычсыз, калкурак урынга яисә корылма түбәсенә менегез һәм мөмкинлек булганда 010 яисә 112 номерлары буенча шалтыратып ярдәм чакырыгыз.