Фронтта да, тылда да иңгә-иң куеп

Алар икесе дә махсус хәрби операция башланганның беренче көннәрендә мобилизацияләнгән. Херсон янындагы разведкада бер ротада хезмәт итәләр. Кыска вакытлы ял көннәрендә алар волонтерлык үзәгенә волонтерларга һәм район халкына ярдәм итүләре өчен шәхсән рәхмәт белдерергә килделәр.

– Гуманитар ярдәм һәм адреслы посылкалар безгә ярдәм йөге белән килә. Тыл өчен рәхмәт сезгә, якташлар! – дип рәхмәт белдерде «Золотой» позывнойлы сугышчы.

29 яшьлек ир-ат үзенең тумышы белән «Октябрь» поселогыннан булуы, 2022 елның октябрендә мобилизацияләнүе турында сөйләде. Аңа позывнойны уйлап табарга кирәк булмый, аны кечкенәдән түтәсе игелекле холыклы һәм ярдәмчел булганы өчен шулай атап йөрткән. Хезмәттәшләре дә аны нәкъ менә игелекле булганы өчен шулай атыйлар.

Якташлар хезмәт итә торган ротада районнан тагын 18 кеше, алар барысы да диярлек мобилизацияләнгән, Казаннан һәм Бөгелмәдән дә егетләр бар.

«Золотой» армиядә 2014-2015 елларда, Екатеринбургта, ПВОда хезмәт иткән. Мобилизацияләүгә кадәр Нурлатта яшәгән, геофизикада эшләгән, белеме буенча ул шартлатучы – скважиналарда ату-шартлату эшләрен башкарган.

– Мине мобилизацияләгән вакытта улыма ике ай иде, хәзер аңа – өч, кызыма биш яшь. Балалар даими элемтәдә, үзләре шалтыратырга тырышалар, бик сагыналар, вакыт бик тиз уза, – ди якташ.

«Халк»ны да өендә шулай ук ике баласы көтә, зурысы – беренче сыйныф укучысы, аны мобилизацияләгән вакытта икенче сабыйның дөньяга килүен көткәннәр – балага инде ике яшь, ләкин ул әтисен фото һәм видео шалтыратулардан һәм кыска вакытлы ялга кайткан вакытта гына күрә.

Башта куркыныч булды, диләр егетләр, аннары күнгәннәр, инде куркыныч түгел, хәтта авыр да түгел кебек. Гуманитар ярдәмне төягән вакытта алар, анда һава торышы җылырак, дип шаярттылар. Бары минус 5, тик дөрес вакыт-вакыт яңгырлар ява һәм озак кибә. Быел тычканнарның булмавына шатландылар һәм аларның үз хайваннары – тугыз мәчеләре барлыгын, алар белән тушенка һәм торыр урыннарын бүлешүләре турында сөйләделәр.

Якташларыбыз әнә шулай, боекмыйча, авырлыкларны җиңеп хезмәт итәләр. Һәм отпуск көннәрендә алар волонтерларга гуманитар йөкне машиналарга төяүдә ярдәм итәргә килделәр. Алар фронт та, тыл да бергә. Тынычлык бары тик шулай гына якынаячак!

Яшьләр үзәгендә егетләр традиция буенча Россия байрагында үзләренең имзаларын калдырдылар, үзләрен сакларга һәм Җиңү белән кайтырга вәгъдә иттеләр.