Файдаланылмаган отпуск: Татарстанда акчалата компенсация кемгә бирелә

Аерым очракларда еллык түләүле ялның дәвамлылыгы артыграк булырга мөмкин. Әгәр дә эшләүчедә кулланмый калган отпуск көннәре булса, аңа нинди компенсация тиеш, шулай ук кем мондый түләүне алырга хокуклы түгел?

Күпчелек очракта эшләүчегә 28 көн отпуск тиеш. Ял вакытының берсе кимендә 14 көн булырга тиеш, ә калган көннәрне кеше үз теләге буенча бүлә ала. Әгәр дә ел ахырына эшләүчедә кулланмый калган отпуск көннәре калса, аларны аңа киләсе елга күчерергә яисә компенсация түләргә мөмкиннәр.

Әгәр хезмәткәр эштән киткәндә аның кулланылмаган отпуск көннәре калса, ул компенсация алачак, чөнки ул аларны соңыннан куллана алмаячак. Моннан тыш, хезмәткәр файдаланылмаган ялны түләү белән алыштыра ала, әгәр аның кулланылмаган отпуск көннәре саны 28 көннән артса, чөнки ул, мәсәлән, берничә ел дәвамында тиешле 28 көнне ял итмәгән булса. Шулай ук, кулланылмаган отпускның азрак көннәрен дә компенсацияләргә мөмкиннәр, әмма бу мәсьәлә эш бирүче белән килешү буенча хәл ителә.

Йөкле хатыннарга, балигъ булмаган хезмәткәрләргә, шулай ук зарарлы яисә куркыныч хезмәт шартлары булган предприятиеләрдә эшләүчеләргә файдаланылмаган отпускны түләү белән алмаштырырга ярамый.