Аксубай

Аксубай районы

18+
Рус Тат
2024 - год Семьи
Соңгы яңалыклар

Эш атнасын дүрт көнгә кадәр кыскарту кайсы очракта мөмкин булуы турында әйттеләр

Россиядә эш атнасын кыскартырга була, әмма ул илдәге икътисади хәлгә йогынты ясамаслык булса гына.

Аерым алганда, мондый адым хезмәт хакы дәрәҗәсенең төшүенә һәм товарларга, хезмәтләргә бәяләрнең артуына китермәскә тиеш, дип белдерде Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов.

«Эш вакытын кыскарту хезмәт хакына һәм җитештерүгә тискәре йогынты ясарга тиеш түгел. Монда барысы да бер яссылыкта булырга тиеш. Эш сәгатьләрен кыскарту эволюция юлы белән барырга, товарлар һәм хезмәтләр бәясен арттырмаска, шулай ук гражданнарның керемнәрен югалтуга һәм бизнес өчен тискәре тәэсиргә китермәскә тиеш», –  диде Нилов URA.RU хәбәрчесенә.

Хәзер Дәүләт Думасы депутатлары ил халкы үз гаиләләре белән мөмкин кадәр ешрак өйдә була алсын өчен болай да чаралар күрергә тырыша, дип өстәде ул. Әмма карарлар кешеләрнең тормышына тискәре йогынты ясамасын һәм аларның тормыш сыйфатын төшермәсен өчен төрле сценарийлар карау мөһим, дип белдерде депутат.

Исегезгә төшерәбез, Россия халкының яртысы диярлек дүрт көнлек эш атнасы кертү идеясен былтыр хуплады. Һәр өченче кеше эш атнасын кыскартуга каршы, алар үз позициясен керемнәрнең кимүе белән дәлилли.

Татарстанда, бу идеягә үз фикерен белдерүчеләр республиканың бу адымга тирән анализлар һәм фикер алышуларсыз әзер түгеллеген әйтте.

Чыганак

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев