Емелькино авыл китапханәсендә Россия Язучылар берлеге әгъзасы Нина Мокинага (Артемьевага) 75 яшь тулуга багышланган иҗат кичәсе узды.
Мәктәп укучыларына ул шагыйрә һәм тәрҗемәче буларак билгеле. Аның беренче әсәрләре 60нчы еллар башында Казанда нәшер ителгән «Ленин ялавĕ» чуаш республикасы газетасында басылып чыга. Нина Мокинаның иҗат җимешләре даими рәвештә Чуашия Республикасы, Татарстан Республикасы, Россия басмаларында, журналларында, альманахларында басыла, шигъри җыентыклары дөнья күрә. Авторның кече ватаны – Биләр төбәге тарихына һәм табигатенә багышланган әсәрләр циклы бар. Шулай ук ул чуаш теленә төрле халыкларның танылган шагыйрьләренең шигырьләрен тәрҗемә иткән.
Балалар китапханәче Ирина Павлова әзерләгән «Сӑвӑра шӑранать ырӑ ят» мәгълүмат күргәзмәсе һәм «Сӑвăҫăн кун-ҫулӗ» электрон презентация белән кызыксынып таныштылар.
Укучылар шагыйрәнең юбилеена чуаш телендә үзләре яраткан шигырьләрне өйрәнделәр һәм аларны укыдылар. Авыл китапханәсендә туган якны ярату, күңелгә якын булган урыннарны сагыну, табигатьнең матурлыгы турындагы шигъри юллар яңгырады.
Фото: Емелькино авыл китапханәсе архивыннан.
Нет комментариев