Авыл мәдәният учагында яшеренү челтәрләрен үрү өчен мәйданчык барлыкка килде

Клубка ял итәргә яки нинди дә булса чарада катнашырга килгән һәркем моңа үз өлешен кертүне бурычы дип саный. Яшеренү челтәренең билгеләнеше – махсус хәрби операциядә бурычларын үтәүче якташларның куркынычсызлыгын тәэмин итү. Челтәргә берничә төен генә бәйләсәләр дә, алар үзләрен изге эшкә катнашы бар дип хис итәләр.

– Бу эш катлаулы булмаса да, күп вакыт һәм тырышлык таләп итә, – ди мәдәният йортының баш белгече Ольга Жукова. – Әмма безнең барыбызны да бер максат – Ватанны саклаучы якташларыбызга кулдан килгәнчә ярдәм итү берләштерә.