Авыл китапханәсендә узган танып белү сәгате куркынычсыз каникулларга багышланды

Җәйге каникулларны күңелсезлекләр бозмасын өчен, авыл китапханәчесе Валентина Мадюкова алар өчен “Куркынычсыз каникуллар” дигән танып белү сәгате үткәрде.

– Җәйге каникуллар – шатлыклы һәм рәхәт чор, – дип яза китапханәче учреждениеләр чатында. – Бу дуслар белән уеннар, урманга, елгага бару һәм экскурсияләр чоры. Җәй имин һәм сөенечле узсын өчен, һәр бала ял вакытында үз-үзен тотышының гади кагыйдәләрен белергә тиеш. “Куркынычсыз каникуллар” дигән аралашу сәгате яшь китап укучыларга алар мәктәптә алган куркынычсызлык кагыйдәләрен искә төшерергә тиеш.

Чарага китапханәче фельдшерны чакырган. Медик балаларга кояш сугудан һәм эсселектән ничек саклану, елгада үз-үзеңне тоту кагыйдәләре турында мәгълүмат бирде. Ул җирлек территориясендә су коену өчен оештырылган урыннар булмавы турында да искәртте.

“Куркынычсыз җәй” мәгълүмати күргәзмәсе белән танышканда балалар юл хәрәкәте кагыйдәләрен искә төшерделәр һәм барысы бергә юлларда куркыныч хәлләрне тикшерделәр.

Балалар җәйге каникулларны күңелле һәм куркынычсыз үткәрергә ярдәм итәчәк мөһим белемнәр алдылар.