Ашыгыч хезмәткә яхшы кәеф белән киттеләр

Иске Тимошкинодан Алексей Агапов һәм Карасудан Дмитрий Алексеев иртәнге сәгать алтыда Мәңгелек ут янында сафта тордылар. Озатучы туганнары, дуслары һәм якыннары аларга горурлык белән карадылар. Салкын, җилле һава торышына карамастан, хәрби марш уйнады, мәйданда якты, уңай шартлар хөкем сөрде. Егетләрнең дә кәефләре яхшы иде.

– Без хезмәт итәргә әзер, – диделәр алар. – Барысы да яхшы булачак.

Алексейның өлкән абыйсы, ашыгыч хезмәттән соң, Североморскида контракт буенча хезмәт итә, икенче абыйсы да контракт буенча хезмәт иткән, Сирия-Гарәп Республикасында сугышларда катнашкан. Шуңа күрә аларның энеләре армия турында яхшы белә. Дмитрий, гаиләдә бердәнбер малай булса да, хәлне дуслары сөйләгәннәр буенча белә, ул эретеп ябыштыручы һөнәрен алырга өлгергән.

Егетләрне озатырга районның барлык җитәкчелеге килде. Тантаналы митингны район башлыгы Камил Гилманов ачты.

– Бу авыр вакытта хезмәт итәргә җибәргән өчен әти-әниләргә рәхмәт, – дип мөрәҗәгать итте ул булачак солдатларның туганнарына. – Ә сезгә, егетләр, хәрби фәнне уңышлы өйрәнүегезне телим. Районга, әти-әниләрегезгә кызыллык китермәгез. Хәерле юл, сезгә!

Хәрби хезмәткә чакырылучыларга Чирмешән һәм Аксубай районнарының хәрби комиссары подполковник Сергей Иванов мөрәҗәгать итте.

– Бер елдан соң сез чын ирләр булып әйләнеп кайтырсыз –, диде ул. – 2024 елны сез өйдә иң якын кешеләр белән каршы алырсыз. Сезгә хезмәттә уңышлар! Иң мөһиме турында искә төшерәсем килә: хәрби вахта вакытында куркынычсызлык таләпләрен үтәү – бу имин хезмәтнең нигезе. Район җитәкчесе иң изге теләкләр белән аларга кесә телефоннары тапшырды.  –Бу телефоннар белән өйгә кайтырга насыйп булсын, – диде ул.