Аларны спорт берләштерә

Республиканың тугыз районыннан 18 яшьтән 35 яшькәчә спортчылар катнашкан ярышлар Чистай районында узды. Аксубай районын Олег һәм Наталья Тимофеевлар тәкъдим итте. Алар район исеменнән «Татарстан – Новый век» – «Татарстан – Яңа гасыр» республика иҗтимагый оешмасы хәрәкәте яшьләр секторы активистлары арасында район исеменнән чыгыш ясадылар.

Тимофеевлар турнирда җиңүгә ирешеп, үзләрен лаеклы күрсәттеләр. Наталья хатын-кызлар арасында беренче урынны яулады. Ул грамота, медаль һәм кубок белән бүләкләнде.

Олег белән Натальяны икесен бергә «Юность» спорт комплексында еш очратырга мөмкин. Алар буш вакытларын файдалы итеп үткәрәләр – бергәләп шөгыльләнәләр. Спорт – аларны берләштерә торган сәбәпләрнең берсе.

Фото: Тимофеевларның гаилә архивыннан.