Аксубайлылар республика Укытучылар көнендә катнаштылар

Татарстанның иң яхшы укытучыларын хөрмәтләү «Пирамида» мәдәни-күңел ачу комплексында үтте.

Тантанада Татарстан Президенты Рөстәм Миңнеханов катнашты. Ул, 2021 елда БДИны 100 баллга тапшыручылар узган ел белән чагыштырганда 18 укучыга күбрәк, дип билгеләп үтеп, белем бирү сыйфатында Татарстан укытучыларының казанышларын аерым ассызыклады. Бу күрсәткечләр буенча республика Россия Федерациясенең иң яхшы 5 төбәге арасына керде.

Татарстан мәктәп укучыларының Бөтенроссия олимпиадалары нәтиҗәләре буенча призерлар арасына керә, безнең яшь вундеркиндларыбыз бары Мәскәү һәм Санкт-Петербург укучыларыннан гына калыша.

Укытучылар династияләре адресына аерым рәхмәт сүзләре яңгырады. Тантанада укытучылар династияләре арасында безнең районнан Альметкиннар гаиләсен дә хөрмәтләделәр – аларның гомуми педагогик стажы – 340 елдан артык.

– Районда рәхмәт сүзләренә һәм хөрмәткә лаек мөгаллимнәр күп, – дип билгеләп үтте делегацияне җитәкләүче район башлыгы Камил Гилманов. – Аларның тәрбияләнүчеләре ел саен бәйгеләрдә, олимпиадаларда район казанышлары копилкасына яңа җиңүләр алып киләләр һәм йомгаклау аттестациясе буенча яхшы нәтиҗәләр күрсәтәләр.