Аксубайда Ватанны саклаучылар көнен бәйрәм концерты белән билгеләп үттеләр

Барлык буын сугышчыларга хөрмәт йөзеннән, мәдәният хезмәткәрләре тамашачылар өчен кызыклы һәм якты программа әзерләделәр.

Кичә хәрби марш астында ветераннар хәрәкәтләренең байракларын тантаналы алып чыгу мизгеленнән башланды. Зал байракчыларны аягүрә сәламләде, сугышчы-ветераннар дан бирде.

Җыелучыларны Ватанны саклаучылар көне белән район башлыгы Камил Гилманов җылы котлады.

– Илебез оборонасына үз өлешен керткән барлык сугышчыларны шушы якты бәйрәм белән чын күңелдән котлыйм, – диде ул. – Бөек Җиңү өчен фашизмга каршы аяусыз көрәшүчеләр арасында бер генә ветеран – Елисей Тимирясов кына калды. Без якташларыбыз – Бөек Ватан сугышы каһарманнары турындагы истәлекне кадерлибез. Бүген безнең егетләр армиядә дә, контракт буенча да лаеклы хезмәт итәләр. Намуслы хезмәтләре өчен барысына да рәхмәт әйтәсе килә. Шулай ук улларын Ватанга хезмәт итүгә озаткан аналарга рәхмәт сүзләрен җиткерәсем килә. Барыгызга да сәламәтлек, тыныч күк йөзе телим.

Район башлыгы билгеләп үткәнчә, районда булдырылган барлык төр гаскәрләр бердәмлеге эшчәнлеге – үсеп килүче буынны тәрбияләү өчен яхшы үрнәк. Җирдә тынычлык, якты киләчәк хакына сугыш кырларында һәлак булган сугышчыларны бер минут тынлык белән искә алдылар.

Районның иҗтимагый тормышында актив катнашучы, яшьләрне патриотик рухта тәрбияләүгә өлеш кертүче төрле төр гаскәрләр ветераннарын бүләкләү тантанасы булды. Район башлыгының Рәхмәт хатына һәм истәлекле бүләкләргә Сәмигулла Мостафин, Алексей Бобов, Руслан Терегулов, Николай Камбулов, Владимир Крайнов лаек булды.

Сугышчы ветераннар берлеге әгъзасы Виталий Маркин ветераннар хәрәкәтенә зур ярдәм күрсәткәне өчен Камил Гилмановка Рәхмәт хаты тапшырды.

Тантаналы чара балалар һәм яшьләр арасында «Үз Героем белән горурланам» дигән видеороликлар бәйгесе нәтиҗәләре буенча призерларны бүләкләү белән дәвам итте. Көчле алкышлар астында икенче урын өчен Глеб Борзов (Беловка) һәм Нәҗип Хөснетдинов (Иске Кыязлы), беренче урын өчен Ольга Якличева (Сидул Ерыклы) сертификатлар алдылар.

Чарада театрлар чыгыш ясады, иң яхшы башкаручылар тантана сәбәпчеләренә үз җырларын бүләк иттеләр, район мәдәният йортының хореография коллективлары, балалар сәнгать мәктәбе биючеләре үз чыгышлары белән залда аерым бәйрәм мохите тудырдылар. Программаның кайбер мизгелләре аеруча дулкынландыргыч булды: экранда сугышчы-ветераннар берлеге әгъзаларының солдат фоторәсемнәре күрсәтелде, «Аксубай егетләре» ансамбле Жиңү маршын башкарды. Тамашачылар онытылмаслык тәэсирләр алдылар һәм артистларга рәхмәт әйттеләр.