Аксубайда кар чистарту буенча кайнар линия ачылды

Төн эчендә буран район үзәге урамнарын да, тыкрыкларны да карга күмде.

Аксубайда кар стихиясе белән көрәшкә иртәнге сәгать өчтән үк 7 берәмлек техника чыкты.

– Халыктан сабырлык күрсәтүләрен сорыйбыз. Бөтен бистәне берьюлы чистартып булмый, техника эшләвен дәвам итә, буран да әле тынмады, – дип шәрехләде шәһәр тибындагы Аксубай бистәсе башкарма комитеты җитәкчесе Алмаз Бакиров.

Шәһәр тибындагы бистә башкарма комитетында кар чистарту буенча кайнар линия ачылды. Тел.: 2-75-82.