Савгач урта мәктәбендә китапханә укучыларның яраткан урыны.
Дәрес беткәнне белдереп, кыңгырау чыңлаганнан соң, китапханә ишекләре ачыла һәм биредә укучылар пәйда була.
– Өлкән сыйныф укучылары гадәттә программа буенча әдәбият белән кызыксына, – дип сөйли китапханәче Валентина Трофимова. – Тик алар арысында аерым китап укырга яратучылар да бар, кызыклы классик әдәбияттан алып фантастикага кадәр төрле тематикага өстенлек бирәләр. Алар китапларны теләп алалар, зур кызыксыну белән укыйлар, алып киләләр, яңаларын сорап алалар. Балалар үзләренә кирәкле мәгълүматны ала алсын өчен, бездә әдәбият җитәрлек.
Китапханәче сөйләгәнчә, түбән сыйныф укучылары күбрәк әкиятләр стенды янына киләләр. Кулларына алалар, карыйлар, бер-берсе белән көчле фикер алышалар, ә соңыннан өйләренә алып китәләр. Укып, үзеңне тылсым дөньясында итеп хис итү – ул бик кызык.
Нет комментариев