Аксубай укучылары юл хәрәкәте кагыйдәләре буенча сорауларга җавап бирделәр
8 Март – Халыкара хатын-кызлар көнен бәйрәм итү алдыннан Иске Тимошкино мәктәбендә әниләр һәм балалар белән юл хәрәкәте кагыйдәләре буенча викторина үтте.
Катнашучылар 2 командага бүленеп юл йөрү кагыйдәләре буенча сорауларга җавап бирделәр, юл ситуацияләрен карадылар һәм пазллар җыйдылар. Күңелле атмосфера һәм бәйрәм алды кәефе куелган сорауларга тиз ориентлашырга һәм уңышлы җавап бирергә комачауламады.
Викторина тәмамланганнан соң ГБУ БДДның Нурлат шәһәре территориаль идарәсенең профилактика буенча бүлеге җитәкчесе Гөлфия Гыймалтдинова Һәм муниципаль хезмәткәр Татьяна Мартынова юл хәрәкәте кагыйдәләрен үтәү турында әңгәмә үткәрделәр, әниләрне якынлашып килүче бәйрәм белән котладылар. Барлык катнашучылар да истәлекле бүләкләр алдылар.
Следите за самым важным и интересным в Telegram-каналеТатмедиа
Нет комментариев