Аксубай укучылары җәйне күңелле стартларда катнашып үткәрәләр
Кәкре Күл авылы мәдәният йортында балалар өчен “Җәен күңелле яшибез!” дигән спорт-күңел ачу көне үтте.
Җәйге каникуллар – җирле мәктәп укучыларының иң яраткан чоры. Алар каникул көннәрен бергәләп ял итеп үткәрәләр. Мәдәният учагы җитәкчесе Галина Андреева алар өчен һәрдаим төрле күңел ачу чаралары һәм конкурслар әзерли. Балалар аларда бик теләп катнашалар.
Авылның спорт мәйданчыгында чираттагы уен программасы күңелле үтте. Биредә һәркем үзе өчен кызыклы шөгыль таба алды: кубоклардан сүзләр җыйдылар, күңелле стартларда һәм эстафеталарда катнаштылар. Укучылар спорт сәләтләрен, тиз йөгерә һәм иптәшләренә ярдәм итә белүләрен күрсәттеләр.
Балалар бик күп уңай эмоцияләр һәм тәэсирләр алдылар. Мәктәп каникулларының тагын бер көне кызыклы үтте, ул балаларга бик күп шатлык һәм уңай кәеф бүләк итте.
Фото: Кәкре Күл авыл мәдәният йорты архивыннан.
Следите за самым важным и интересным в Telegram-каналеТатмедиа
Нет комментариев