Аксубай укучылары ЧНК бүләкләренә лаек булдылар 

Балалар үз бүләкләрен Уяв бәйрәме вакытында тамашачыларның көчле алкышлары астында алдылар. Алар бу бүләккә үзешчән сәнгатьтә актив катнашканнары, талантлары өчен лаек булдылар. Иске Үзи авыл мәдәният йортында һәм башка мәйданчыкларда концертлар, мәдәни чаралар бу балаларның катнашыннан башка үтми. Алар барысы да укуда да үрнәк булып торалар. 

– БДИ нәтиҗәләре буенча Вероника Мудрова һәм Анастасия Айдова мәктәпне алтын медаль белән тәмамладылар, – дип билгеләп үтте Иске Үзи урта мәктәбе директоры Любовь Гаврилова. – Алар – күп кенә фән олимпиадаларында җиңүчеләр, актив җәмәгатьчеләр, сәхнә сәнгатен дә үз итәләр. Иң яхшы укучыларның берсе – Антон Айдов та шулай ук олимпиадаларда һәм конкурсларда актив катнаша. 

Антон бәйрәмдә катнашучылар хәтерендә сәхнәдә катнашуы белән истә калды, анда ул агач колга сугуның борынгы йоласын бик оста итеп күрсәтте.