Аксубай туган якны өйрәнү музее балалар өчен кызыклы экскурсияләр үткәрүен дәвам итә

Туган якны өйрәнү музее директоры Наталия Куштукова «Хыял» социаль приюты балалары өчен күргәзмә заллары буйлап танып-белү экскурсиясе үткәрде. Балалар музейда тәкъдим ителгән экспонатлар белән якыннан таныштылар. Алар өчен бигрәк тә «Кул тегермәне экспонаты турындагы тарих» дәресе кызыклы булды.

Балалар нинди төр тегермәннәр булуы турында белеп кенә калмадылар, үзләре дә тарттырып карадылар. Бераз тырышлык куеп, алар кул тегермәне ярдәмендә бер уч ашлыкны онга әйләндерделәр.