Аксубай районында музей авыл тарихының яңа битләрен ача

Үткәннәр мәктәп укучыларын да, өлкән буын кешеләрен дә, кайткан кунакларны да кызыксындыра. Музей экспонатларга бай. Монда хәзерге буынның ата-бабалары кулланган эш кораллары да, аларны чолгап алган көнкүреш әйберләре дә тәкъдим ителгән. Узган гасырлар крестьяннарының мәдәнияте турында сөйләүче экспонатлар да шактый, кул эшләре дә бар. Милли стильдә чигелгән кием-салым предметлары, урын-җир әйберләре, сөлгеләр авылда чын кул эшләре осталары яшәгәнлеге турында искәртә.

– Милли мәдәният, халык йолалары онытылмаска тиеш. Савгачта ата-бабалар тарихын саклау буенча зур эшләр башкаралар, – дип билгеләп үтте чуаш милли-мәдәни үзәге рәисе Роза Чентаева. – Бу яшь буын өчен аеруча мөһим.

Фото: редакция архивыннан.