Аксубай районында «Без бергә» балалар халык иҗаты фестивале башланды

«Без бергә» балалар халык иҗаты республика фестиваль-бәйгесе ел саен бер сәхнәдә бөтен республикадан йөзләгән талантлы баланы җыя. Гомуми белем бирү учреждениеләре укучылары катнашучылар булалар.

Безнең районда муниципаль этап Иске Тимошкино авыл мәдәният йорты базасында башланып китте. Тугыз авыл мәктәбеннән 150 катнашучы үзләренең талантларын күрсәтте. Яшь артистлар үзләренең иҗат номерлары – җырлар һәм биюләр белән жюрины таң калдырдылар. Моннан тыш, конкурсантлар декоратив-гамәли сәнгать күргәзмәсен тәкъдим иттеләр.

Иртәгә, 1 апрель көнне, фестиваль-бәйгенең икенче этабы узачак. Район мәдәният йорты сәхнәсендә район үзәге мәктәпләре, шулай ук авыл мәгариф учреждениеләренең иҗат коллективлары, аерым башкаручылары – 250 катнашучы чыгыш ясаячак. Башлана сәгать 9да.

Муниципаль этап нәтиҗәләре буенча иң яхшы номерлар районны «Без бергә» балалар халык иҗаты республика фестиваль-бәйгесенең зональ турында тәкъдим итәчәк.

Фото: авыл мәдәният йорты архивыннан.