Аксубай калфагы сәнгать әсәре булырга лаек

Чигү – иҗатның иң борынгы төрләренең берсе, һәр халыкның бу эшне башкару өчен үз техникасы бар. Аксубай туган якны өйрәнү музеенда бу кул эшләренә аеруча кызыксыну – биредә чигүләргә өйрәтү буенча осталык дәресләре уза. Җирле кул эшләре эшләнмәләренең берсе – элмәк аппликациясе техникасында бизәлгән калфак.

– Калфак – милли хатын-кызлар баш киеме. Бизәнү әйберенең сере шунда: вак өчпочмаклы ефәк тукымасы кисәкләре ярдәмендә астра, георгина, хризантемалар кебек чәчәкләрне хәтерләтүче эре рельефлы чәчәк формалары төзелә, – дип сөйли музей җитәкчесе. – Төрле ботаклар, бутоннар, мыекчалар – төсле бисер, ә аеруча бай калфаклар вак энҗе белән эшләнә. Борынгы заманнарда мондый калфаклар бик кыйммәт бәяләнгән. Шунысын да билгеләп үтәргә кирәк, Урта Идел һәм Урал буе халыкларының сәнгать иҗатында мондый техника билгеле булмаган. Музейда оештырылган осталык дәресләрендә без әлеге чигү техникасын яңартабыз. Күз алдына китерә алмаслык матурлык килеп чыга.

Элмәк аппликациясе техникасында эшләнгән калфакны туган якны өйрәнү музее мәдәният йортында узган район күргәзмәсендә тәкъдим итте, ул килүчеләрдә зур кызыксыну уятты.