Аксубай игенчеләренә һава торышы киртә түгел 

Аксубай игенчеләре матур һава торышының бер сәгатен дә югалтмаска тырышып эшлиләр. 

Авыл хуҗалыгы һәм азык-төлек идарәсеннән 2 нче майга алынган оператив мәгълүматларга караганда, сабан культуралары барлыгы 13679 гектарда (план буенча 46648 гектарда) чәчелгән.

Шул исәптән 9637 гектарын сабан культуралары (шуның 8 мең гектарыннан артыгы – арпа , 1000 гектардан артыгы – солы, 192 гектары – борчак) тәшкил итә. 1246 гектарда азык культуралары (берьеллык һәм катнаш үләннәр), 2377 гектарда техник культуралар (750 гектарда – рапс, 1200 гектардан артык – көнбагыш, 400 гектарда – гәрчич) чәчелгән. 

Авыл хуҗалыгы предприятиеләре буенча: «Актай» ҖЧҖдә планлаштырылган мәйданнарның яртысына диярлек сабан культуралары чәчелгән, «Аксу Агро» ҖЧҖ дә һәм «Волга-Селект» ҖЧҖдә бу күрсәткеч 35 процентны тәшкил итә.