Аксубай диңгезчеләре РФ Оборона министрлыгы бүләкләренә лаек булдылар

Быелгы Хәрби диңгез флоты көне район кешеләре хәтерендә озак сакланыр. Диңгезчеләр өчен төп бәйрәмдә «Диңгезчеләр туганлыгы» иҗтимагый оешмасы әгъзаларына Россия Федерациясе Оборона министрлыгының истәлекләре медальләре тапшырылды.

Бөек Ватан сугышында Җиңүнең 77 еллыгына багышланган парадта катнашкан өчен бүләкләргә Аксубай районы «Диңгезчеләр туганлыгы» оешмасы рәисе Анатолий Скворцов, «Татэнергосбыт» АҖ филиалы җитәкчесе Флен Зәйнуллин, шәһәр тибындагы Аксубай бистәсе башлыгы урынбасары Алмаз Бакиров, шулай ук Николай Кукушкин, Сәмигулла Мостафин, Вәлимөхәммәт Минсафин, Рәшит Әбраров, Валерий Альметкин, Анатолий Плаксимов, Олег Шуркин, Валерий Ендерюков, Валентин Мучейкин, Илсур Хәмидуллин, Андрей Львов, Павел Молодкин, Евгений Богданов, Динар Зәйнуллин, Евгений Ковичков, Евгений Леонтьев, Сергей Литта лаек булды.

Сергей Уланов һәм Мидхәт Хөснуллинга «Россия Хәрби диңгез флоты ветераны» медальләре тапшырылды.

– Быел элеккеге диңгезчеләр Җиңү парадында беренче тапкыр аерым «тартма» буларак сафка тезелеп үттеләр. Бу «Диңгезчеләр туганлыгы» әгъзалары хәтерендә уелып калачак, чөнки алар диңгезчеләр традицияләрен хөрмәтләп саклыйлар һәм аларны аксубайлыларның яшь буынына тапшыралар.